Persecucion a termina na Sombre; Chofer a resisti su detencion

0
536

Diasabra den careda di 1or di merdia a surgi un situacion di persecucion entre dos persona. Na altura di Codemsa na Cumana, un auto Fuga color preto a dal tras di un Nissan Versa.

Ambos chofernan a baha pa atende cu e accidente, pero den un frega di wowo e Fuga a huy for di sitio direccion Sta Cruz, pa cual e Versa a sali su tras den un estilo di persecucion.

Drentando Sta Cruz, coriendo den Papilon, e Fuga ta bolbr accidenta den palo di lus y cura di cas.

Polis a wordo poni na altura y a intercepta e Fuga na Sombre.

Varios unidad di polis a acudi, tambe polis di Oranjestad, pa duna refuerso na polisnan si Sta Cruz. E chofer a nenga di coopera pa su detencion.

Finalmente el’a wordo deteni, unda e mester bay duna cuenta di su acto irresponsabel.

LEAVE A REPLY

Please enter your comment!
Please enter your name here