Keho publico:
Nos no tin nada di keha riba e personal di ambulance ni nan medico o paramediconan.
E keho ta riba e telefonista di ambulance, cual ta resorta bao di brandweer, cual mas bien ta un protocol cu e tin cu sigui, pero un protocol cu no ta sirbi.
Recientemente un persona a haya atake di curazon y e telefonista di ambulance/ brandweer a keda hasi yen pregunta estupido, causando asina un tardansa den servicio cu consequencia fatal.
Nan kier sa tur datos personal di e persona, siendo den un emergencia, ningun hende sa e datosnan personal manera fecha di nacemento etc.
Nan ta haci un letania di pregunta estupido mientras pacient ta den su atake. Pa ora cu nan yega, ya tabata laat.
Ora un hende yama pidi ambulance, nos ta compronde cu por dobbel check poco informacion. Pero e telefonista ta keda exigi y exigi y exigi y dado momento mester hasi e pregunta: kico ta mas importante? Despacha un ambulance of lage paciente fayece? E telefonistanan siguiendo e maneho di hefe, ta causa tardansa grandi.
Esaki a sosode na un negoshi grandi diasabra anochi ora cu ambulance a yega laat.
Ta spera cu e signal por bay na top di ambulance y brandweer, pa nan stop cu tanto pregunta cu den momento di emergencia, cu ningun hende por contesta.
Preguntanan estupido: cuanto anja bo tin? Fechi nacemento, adres, kico ba come ? Bo largura? Bo peso, y un cantidad di idiotes ta wordo puntra! Bo ta kere un hende den su dolor por contesta?
