Dialuna mainta algo prome cu 8’or presencia di brandweer a wordo pidi na e hoofdkantoor di DOUANE pa un persona cu a keda pega den lift.
Brandweer a bay cu urgencia, pa por habri e lift mester a desconecta e coriente di e edificio. Na yegada di brandweer, esnan encarga cu e edificio a yega prome y mesora a desconecta e coriente, nan tabata tratando na habri e portanan di e lift pa e persona por a sali. E bomberonan a drenta bay paden y hopi lihe nan a logra habri e porta y asina e persona pega den e lift por a sali sin problema.
