‘Global Equal Salary Recertification’ ta garantisa pago igual pa empleadonan
masculino y femenino eherciendo e mesun funcion
E ta parti di Philip Morris International (PMI) su compromiso na diversidad y igualdad; e compania lider di tabaco na mundo recientemente a optene e ‘Global Equal Salary Certification’. Esaki ta un reconocemento importante cu ta confirma cu PMI ta paga hende homber y muher salario igual pa e mesun funcion cu nan ta eherce den e compania- esaki ta confirma pa e mas di 90 mercadonan den cual nan ta opera, ta inclui Aruba, na unda e compania ta opera hunto cu Superior Tobacco Company.
E certificacion aki ta keda otorga dor di EQUAL-SALARY Foundation, un organizacion non-profit independiente estableci na Suisa. Un certificacion EQUAL-SALARY ta confirma cu companianan tin politica y practica sostenible pa garantiza pago igual pa empleadonan femenino y masculino pa nan trabou den e mesun funcion.
“Awendia den economia mundial, e ‘best practices’ ta hisa e standart di excelencia. Pa un compania internacional lider alcansa un re-sertificacion EQUAL-SALARY ta representa un momento historico pa nos empleadonan, mescos tambe pa e causa di igualdad di genero rond mundo. Philip Morris International su esfuerzo y compromiso pa pago igual y e principionan di EQUAL-SALARY ta un demostracion fuerte di e compania su compromiso,” asina Luliana Paise, Managing Director di PMI, Centroamerica y Caribe a comenta.
Adicional na e re-sertificacion EQUAL-SALARY, e compania tin diferente programa cu ta busca desaroyo pa e hende muhe, tantu riba nivel mundial como localmente. E compania a alcansa su meta di 40 plus% hende muhe den posicionnan lider mundialmente.
Otro programa(nan)
‘Women in Leadership’ (Hende Muhe den liderazgo) ta un otro programa mundial cu ta sostene e hende muhe ora di navega nan trayecto personal y profecional den e compania, fortaleciendo nan plan di desaroyo, y demostrando comprencion pa un estilo di maneho diversifica, y aumentando nan confiansa propio den cualkier sircunstancia.
Luliana Paise a continua bisando,”Den nos organisacion di Centroamerica y Caribe, 50/50 representacion ya caba ta un realidad, esaki tambe ta parti di nos transformacion y ta fundamental den realisacion di un futuro ‘liber di huma’. Nos ta kere den un experiencia di trabou na unda tur hende ta sinti nan mes parti di e totalidad, y na unda tur empleado ta wordo sostene y balora. Nos ta keda enfoca riba e creacion di un ambiente inclusivo pa tur hende y ta probecha nos diferencianan, crea un sentido di pertenencia, sosteniendo e bienestar di empleadonan y provee nos empleadonan cu herment y tecnica di manera cu nan por labora cu nan full potencial.”
