Diadomingo anochi algo pasa di 10’or polisnan di Noord a bay Sabana Liber, pa un auto cu a dal contra un palo di luz.
Na yegada, agentenan por a nota cu door di e impacto coriente a bay eybanda. Mesora ta avisa Elmar cu a yega hopi lihe pa mira e trabou.
Na e sitio polis no a topa cu e chauffeur. Ta trata di un Ford F150 cu a kita na su man robes y ranca un palo di luz cu transformer. Esaki a cay ariba e pickup machika e dak.
Mirando e daño causa Elmar por a conta ariba un trabou grandi.
Forensys tambe a presenta, aunke e chauffeur a bandona e sitio. No ta conoci si e chauffeur lo resulta herida den e incidente aki.
