Tur hende mester sa:
No ta posibel cu den un matrimonio y Famia,
E muher ta stroba e homber di sirbi Dios.
Of e homber ta stroba e muher di sirbi Dios, of e yuinan ta stroba nan mayornan di sirbi Dios,
Dios ta bini semper na prome lugar,
nos mester kita tur piedra di tropieso,
y pone nos cas na ordo, y nos bida na ordo pa asina nos por sirbi Dios constantemente, yen di fe y anhelo pa Su presencia.
Pasobra Dios ta responsabel pa nos. No laga nada stroba boso di sirbi Dios.
Locual tin para scirbi den Mateo 7;7 ta palabra di compromiso, y responsabilidad cu Dios tin cu tur esnan cu ta kere den Dios.
Dios su palabra ta bisa nos cu tur cos ta posibel si bo ta kere, locual ta imposibel pa hende ta posibel pa Dios.
Pidi y lo wordo duna na boso,busca y boso lo hanja,bati y lo wordo habri pa boso. Pasobra ken cu pidi lo ricibi,y esun cu ta busca ta hanja,y pa esun cu bati lo wordo habri.
Den Exodo 20:3 ta para scirbi : Bo no mag di tin otro dios mi dilanti.
Nos tin cu realisa. cu Dios no kier pa nos ta infiel, e kier pa nos ta hende loyal, cu ta confia den Dios, y cu ta depende riba Dios constantemente. Dios Tata Todopoderoso ta suficiente pa nos.
Mester evita tur momento cu nos relacion cu Dios ta mengua of wordo perhucica pa motibo di hende of material, pasobra tur esey ta cosnan cu nos no por permiti, pasobra si nos wak bon rond di nos e amigo di mas fiel cu nos tin ta Dios.
Por ehempel ora nos tabata soltero nos relacion cu Dios tabata temendo, awor cu nos a casa e relacion cu Dios no por fria, nos no por bira floho, pasobra dos a bira uno y e prome cos cu nos tin cu haci, ta sirbi Dios cu mas fervor, pasobra awor nos tin mas forsa pa sirbi Dios, pasobra e a uni nos na prome lugar pa nos por sirbi’E.
Kico cu presenta den bo bida, cu ta stroba bo di sirbi Dios, y ta stroba bo ministerio, bo mester tene bon cuenta cune, especialmente den bo amistadnan, pasobra ningun di nan por ta mas importante cu e presencia di Dios den bo bida, pasobra amigonan lo bandona bo, y corre bay laga bo den e momento di mas necesidad, pero Dios nunca lo bandona ni tampoco desampara bo.
Pesey su palabra ta bisa; lo Bo warda den pas perfecto, esun cu su pensamento ta permanece den Bo,pasobra e ta confia den Bo,Confia den Senjor pa semper,pasobra den Dios e Senjor nos tin un Baranca eterno.( Isaias 26:3-4).
Pesey nos mester tene cuenta, con nos ta trata nos Dios, y no trata Dios con cu ta, no purba di usa Dios su nomber y nos no ta kere den su poder, pasobra ta esey nifica bofon, y Dios no ta laga hende haci bofon di Dios, e ta para tur cos pa asina hende sinja respeta su presencia y su poder.(Numbernan 16:20).
No preocupa pa nada, ma den tur cos,pa medio di oracion,y suplica cu gradicimento, laga boso peticionnan ta conoci dilanti di Dios. Y e pas di Dios cu ta surpasa tur comprondemento, lo warda boso curason y boso mente den Cristo Hesus.( Filipensenan 4:6-7).
Ma busca prome e reino di Dios y Su husticia y tur e cosnan aki lo wordo anadi na boso.( Mateo 6:33).
Sinceramente, Pastor Marcel Balootje
