E unico meta di Eagle LNG-gas ta pa termina e wega di casino den WEB cu hedging y duna pueblo prijs di coriente stabiel y mas barata
Logicamente cu periodistanan di AVP24, tur dia ta bati boca riba e projecto di Eagle LNG y pa nan tur cos ta malo. No solamente cu tur cos ta malo, pero nan a bay hasta mas leu di pensa cu otro hende, lo ta mescos cu nan, unda e unico cos cu nan ta pensa riba dje ta “Corona”.
Recientemente nan a expresa e palabra “corona” mas di 10 ves, mustrando cu waar het hart van vol is, loopt de mond over.
Den e caso di Eagle LNG, no tin ningun hende cu lo corona, manera tabata e caso den RDA, unda via estafa, varios amigonan di AVP a corona, manera entre otro Patrick Paskel cu casi 1 miyon florin, sin ningun contract.
E unico persona cu lo sali beneficia di e projecto di gas ta PUEBLO DI ARUBA. Dicon? Pasobra te cu actualmente, WEB tabata hunga casino. Mester hedge cada rato, unda Aruba a perde masha hopi placa caba den anja 2016.
Cu introduccion di gas, e prijs pa pueblo lo bira stabiel y lo no ta estilo “‘subi baha”‘. Tampoco mester mas Casino den WEB di Hedge. Wega di hedge a caba!
Cera e departamento di hedge y laga es personanan ey bay hunga casino cu nan placa! Prijs di gas ta esun di mas stabiel na mundo! Si e subi mes, e lo no tin impacto.
Pues, e alegacion di AVP24 su periodistanan, ta alegacionann contra pueblo di Aruba. Nan no kier trece stabilidad pa pueblo den prijs di coriente.
Mas notabel ta nan ansha, y nan pensamento di “corona”‘. Corona ta loke nan a haci den Lotto cu RDA, ora cu nan a horta placa di pueblo, pagando 25 mil florin pa un dinnner, riba un solo anochi.
Nan mester compronde cu pueblo tin ASCO di nan estilo di ta testafero di Mike Eman. Chica placa di pueblo pa enrikese nan mes! Cu awor nan kier tilda, cuestiona, of trece calumnia, mester bisa e dos chabelitonan: Piensa el ladron que todos son de su condicion?
