ORANJESTAD – E projecto Pitch Time ta un projecto di CEDE Aruba cu ta dedica na forma lidernan nobo na hobennan den nos comunidad. Hobennan durante e pandemia tambe ta sufri cu e normal nobo unda nan mester acepta cambionan for di nan forma di biba diario. Mester accepta hopi mas regla y cada rato ta pone y kita restriccion door di e pandemia cu ta trece confucion pa nan. Esaki ta pone cu e hoben su interes ta baha of e ta bai busca su mesun zona di comfortabilidad cu no tur ora ta positivo of educativo.

Den luna di mei ultimo a start cu e di dos edicion di e projecto aki y a haci un sondeo pa mira kico ta locual e hobennan ta mas interesa aden. Hopi hoben tabata pidi pa haci algo diferente specialmente pa na salud mental. A tuma CEDE un tempo pa asina pensa riba algun idea y adapta esaki na beneficio di nos hobennan.

A start cu un “ Bario Edition” unda hobennan mes mester a traha un projecto pa nan bario unda nan por envolucra nan mes trahando riba projectonan positivo.  Projecto cu ta beneficia henter un barrio cu ayudo di habitantenan mes. CEDE a ricibi 20 projecto di cual 15 lo mester a bay pa di dos ronde. Na caminda ta tin sorpresanan di falta di interes, hobennan cu a dicidi di sigi studia den exterior, hobennan cu mester a sali bay traha door di situacion na cas y otronan cu no a bay over etc.

Na Juli durante diferente diasabra hobennan mester a ricibi tur preparacion di expertonan pa asina nan por carga cualkier projecto. Lamentablemente mester a para e cursonan mirando cu e pandemia su 3er wave a pone cu atrobe a pone restriccionnan cu a stop cursonan y asina algun projecto a cay afo.   Bunita ta cu ora algun hoben no tabata por a sigi pa motibo cu a move e fecha cu algun siman, otronan a tuma e iniciativa pa tuma un projecto over di esun cu no tabata por mas.

Asina nos  tin 12 projecto cu lo drenta den e fase di Pitch weekend benidero. Un danki sigur na e companianan cu ta kere den nos hobennan y nan projecto cu ta SETAR Aruba, Aruba Bank, FCCA y AAA. Nan ta pone fondo y un persona di nan compania na disponibilidad pa yuda guia un projecto si ta necesario. Cada hoben (youth leader) tin un team di 5-10 hoben entre 14-25 anja y tambe nan tin un Youth Coach (cu a yega di presenta caba den PT) pa yuda guia e projecto. E anja aki nos por conta cu 7 lider boluntario nobo y casi 65 hoben cu ta prome bez ta yuda como boluntario. Den total nos ta conta cu 100 hoben.

E hobennan ta den full preparacion pa asina haci nan Pitch mihor posibel cu algun Projectonan interesante y innovativo. Un gradicimento na Dave Martinus, action coach, Reach your goal foundation,  Christina Tromp budget coach, Mark Benson public speaking, Alberto Groeneveldt Pitch strategy.

Ta planea pa haci e Pitch event e weekend aki na Aruba TV huntu cu High Performance pa asina Aruba completo por mira nos hobennan talentoso.

LEAVE A REPLY

Please enter your comment!
Please enter your name here