Segun Parlamentario Alan Howell a splica diamars mainta, ta cu enberdad a transfer placa pa su cuenta personal. Pero esaki a sosode como un pago bek na su persona, cu a saca placa di su cuenta pa paga trahadornan di Fraktie. Ora cu e invoicenan keda presenta na e tesorera, esaki ta atende e invoice y ta pasa e placa bek pa Howell.
Nota di redaccion: Un investigacion lo mester trece claridad riba e asunto aki. E splicacion cu Howell a duna, ta uno rasonabel. Den realidad, hopi ves ta pasa cu por usa placa personal, pa schiet voor, y despues ta haya esaki bek. SOLO DI PUEBLO ta spera cu Ministerio Publico, Fiscal y Landsrecherche no a sec mira un transferencia pa cuenta di Howell y crea un horcan den un glas di awa. Pues nos ta confia cu Ministerio Publico tin su pruebanan palpabel y tambe ta spera cu Ministerio Publico cuminza cu e caso aki lo mas pronto posibel y cu esaki no bira un caso pa aña 2025.
