Net prome cu scol a sera muchannan di scolnan Basico a ricibi “Buki di Pret” pa por a hiba cas. E buki ta cotene varios oferta specialmente pa nos muchanan. Sea cubo ya haya prijsnan special of tin algun cu ta ofrece na nos muchanan workshopnan gratis.
Mayornan por disfruta cu nan yuinan hopi otro oferta cu tin den e “buki di Pret” aki. Ta simplemente mester presenta cu e buki y asina ricibi bo oferta.
Den e “Buki di Pret” aki nos Departamente di Agricultura, Cria y Pesca Santa Rosa tambe a participa. Nos contribucion ta dos fecha di wordkshop di plantamento basico specialmente pa nos muchanan. Mayornan a cuminsa reserva pa e dos fechanan cu nos tin disponibel manera cu “Buki di Pret” a indica. Cual ta e fechanan di 15 y 29 di July aki na Santa Rosa.
Diahuebs mainta varios mucha a yega Santa Rosa pa asina participa den e Curso Basico di Plantamento. Tabata 2 ora parti mainta caminda nos colega sr. Ludwig Rasmijn a percura pa e muchanan haya un guia den Santa Rosa pa asina admira e trabounan cu ta wordo hasi y tambe admira e bestianan cu nos tin den Santa Rosa. Despues a sigui e parti di “workshop” pa e muchanan di plantamente basico caminda e muchanan a siña con un simiya mester wordo planta adecuadamente via di un presentacion y despues esaki a sigui den e parti practico. Cada mucha un haya un pochi chikito caminda nan mester a pone gordura y efectua e plantamento di dos simiya di Boonchi Cunuco. Na final nan mester bai cas cu nan pochi pa asina sigui cuida esaki te ora cu e crece pa nan haya cosecha.
Net prome cu e workshop a cuminsa e muchanan por a disfruta di un dushi mango fresco for di matanan di Santa Rosa. Nan a keda masha encanta cu nan mango.
Cu un sonrisa grandi riba nan cara nan a ricibi nan certificado di participacion den nos plantamento basico aki na Santa Rosa hunto cu “Buki di Pret”
E otro fecha pa e workshop similar ta dia 29 di july cual ya caba cuponan ta limita. No tin mucho lugar mas disponibel. Asina ta pura y reseva esaki via di email. info@santarosa.aw mandabo tur informacion di e yiu cu ta desea di participa den nos workshop
