Un Aruba liber yena di speranza
Bida ta cuminsa cu un sonrisa
y ta caba cu un bahada di solo.
Es’un di Betico a cuminsa cu yen di alegria
y a caba cu un profundo tristeza yena di speculacionnan.
Betico a hiba un bida normal,
te dia cu a drenta den arena politico.
A sa di hiba un lucha feros,
p’asina nos por a bira autonomo den reino Hulandes.
Un 25 di Januari 1938,
nos Libertador a mira mundo.
Y un dia manera awe ta celebra su fecha natal,
recordando su meta, su curashi y determinacion.
Su lucha semper a conmove e pueblo Arubano,
pa nos para pa nos honor y dignidad,
y pa asina nos realisa nos libertad.
Un libertad cu Betico a paga cu su bida.
Awe, nos tur ta goza di e libertad ey,
Betico ya no ta cu nos mas,
pero si su logronan a keda mei mei di nos tur.
Hamas y nunca nos mester lubida ta kende tawata Betico.
Cu hopi amor, ta wak con Betico a sacrifica su mes,
pa un Aruba liber yena di speranza.
Un speranza cu ta keda den man di Dios,
na e momento di e berdad y revelacion:
“Di Betico su morto”.
Dios ta obra pa e berdad y husticia;
cu lo wordo implementa ariba e pueblo Arubano,
sin piedad y misericordia:
manera ariba e dia di Betico su liquidacion.
Betico su lucha no a termina ainda.
E la sigui’e den cielo pa nos isla.
Y pronto nos pueblo lo bay goza di e status
cu Betico a gana den cielo, pa ta e politico mas sobresaliente
despues di su morto.
Amen na e boluntad di Dios den haltura!
Scirbi pa Melinda A. Wouter
