Innsbruck-Land, Austria: E homber Austriaco di 66 aña di Innsbruck-Land su wega a sali na cla, na momento cu un postbode a trece un carta pa e mama cu e pensioen di e mama den dje, e postbode a bisa e yiu cu e mester entrega esaki den man di e mama. E yiu homber su actitud sospechoso, a pone cu e postbode a bati alarma y esaki a conduci na un investigacion cu a termina den descubrimento di locual e yiu tabata haciendo.
Durante un entrada hudicial den kelder di e cas nan a bin topa cu e curpa di su mama. E yiu hopi lihe a admiti, cu e la sconde e curpa di su mama, pa asina por a sigui cobra su pensioen y e subsidio di salud. E muher tabata mas cu un aña morto caba.
E yiu di 66 aña a keda demanda pa fraude y perturba sosiego di un morto. E lo a cobra mas cu 50mil euro riba costiya di su mama morto den kelder di e cas.
