Diasabra anochi a drenta informe di cu un stem di mucha hopi preocupa a yama polis indicando cu na Verano tin un homber cu tin 2 mucha cu nan mama secuestra y ta maltratandonan. Pero e mucha no por a bisa unda exactamente door di e susto. Mesora a dirigi varios patruya pa busca den e vecindario pero ni asina a logra haya e cas. Na un dado momento e mucha a bolbe yama y a bisa di a wak polis pasa dilanti nan cas. Na e momentonan cu un patruya tabata pasando dilanti e cas e muchanan a core subi e patruya. Polis a bisa e muchanan pa nan warda den e patruya cu eyden nan ta safe. Polis a topa cu e mama y a papia cu e mama y a trankilis’e. Polis a papia cu e homber y a detene pa maltrato y secuestro.
