Diasabra anochi, polis a ricibi un informe cu dos persona, bisti na preto a purba ataca of atraca un ciudadano cerca di e viaducto na Meiveld. Inmediatamente, un patruya a wordo dirigi na e sitio di e evento.
Na e Paperclip rotonde, nan a topa cu e victima cu a relata cu dos persona cu nan caranan cubri a purba atake y atrak’e den e area menciona.
Despues di buskeda chikito a logra detene e dos sospechosonan cu ta cuadra cu e descripcion duna pa investigacion.
Despues di algun rato, ta sali na cla cu e sospechosonan mes ta e responsabel pa a menasa e victima cu un cuchiu y un cadena di un brommer. Polis a hiba nan warda di polis.
