Diadomingo anochi pa 8:35 ta drenta un yamada na Warda di Polis San Nicolas y ta informa cu lo tin un scooter sospechoso coriendo den vencindario di De Vuyst y e chauffeur lo tin su cara tapa.
Di biaha ta pasa e informacion pa Central di Polis. Central di Polis ta manda diferente unidadnan policial pa e sitio menciona.
Na altura di Lago Heights supermarkt un patruya ta wak un scooter y e chauffeur cu un hoodie preto bisti cu ta cuadra cu informacion duna.
Patruya ta bay su tras y ta duna indicacion pa e para pero e no ta sigui ordo di polis.
Na altura di crusada Mount Scenerystraat y ronde klip weg e scooter ta drenta e caminda di tera y na dado momento e chauffeur ta dal abou cu su scooter.
E chauffeur ta cuminsa core pa polis y polis na pia su tras ta observa con e sospechoso ta tira un objeto den e mondi.
Polis ta yega serca y ta constata cu ta trata di un arma di candela. Polis na dado momento coriendo tras di e sospechoso a perde di bista.
Na e sitio di e sucedido a presenta Polis technico/forensico cu a tuma e investigacion. Tambe cu sosten di mas polis uniforma di San Nicolas, Santa Cruz, trafico, K9 Unit y Flex Team
E scooter como tambe e arma di candela y pertenencia laga atras a wordo confisca y Recherchenan di San Nicolas ta sigui cu mas investigacion.
No ta descarta cu lo pone man riba e sospechoso den e dianan dilanti.
Cuerpo Policial Aruba ta haci un peticion na nos comunidad cu sa of a wak algo yama e tiplijn di polis cu ta 11141. Bo ta keda 100% anonimo.
