Diamars anochi a sosode un otro caso mas di hit&run. Esaki tawata den Dakota riba e crusada di Caya Juancho Kock cu Caya Papa Juan Pablo.
Polis cu a yega ta topa cu un solo auto y un persona herida, e otro vehiculo a bandona e sitio pero no pa mucho largo.
Ocupante di e Kia Rio cu a keda atras tawata esun herida, y mester a ricibi asistencia medico.
Via di un tip, autoridad a logra haya sa unda e otro vehiculo cu ta un Honda a bay sconde.
No tawata mucho leu di e sitio unda e accidente a sosode.
Altura di ex Wimco na Dakota a bin topa cu e auto y e chauffeur, cu mesora tawata sa di kita e nummer plaat.
Hit&run a bira algun comun na Aruba, cu ni cuanto papia y bisa kiko ta e consecuencianan ora bo Hit&run toch “nan” ta keda haci’e.
Y diamars anochi no tawata diferente.
Polis di trafico a detene e chauffeur momento cu nan a hay’e.
