Oranjestad – Cuerpo Policial di Aruba a informa oficialmente cu INTERPOL a emiti un “Yellow Notice” (Codigo Geel) pa personanan cu a wordo reporta como desapareci/ perdi riba lama.
E boletin internacional aki ta haci posibel pa duna alerta mundial y pa motiva tur pais na mundo pa yuda den buskeda di e ser humanonan aki cu ta falta.
E “Yellow Notice” ta sirbi pa yuda na localisacion di personanan desapareci, y ta un paso importante den e lucha pa haya claridad.
Polis ta pidi: Bo tin algun informacion? Bo a mira algo? Bo sa algo? Yama Tipline di polis: 11141. Bo por keda anonimo.
Ban nos tur sigui resa, uni forsa, y no perde speransa.
