Ta indica cu e caso ta grandi y largo
E siman aki, Polis Vos lo cumpli 5 siman cera na KIA. Esaki ta un tempo hopi largo pa e polis keda deteni. E ta indica e gravedad di e caso y e grandura di investigacion.
Ministerio Publico no kier a duna ningun informacion, segun nan ta pa cuida e investigacion.
SOLO DI PUEBLO a informa cu na momento cu husticia a drenta su cas, nan a haya un centro di operacion unda laptopnan sofestica, tabata conecta na radio di polis y segun ta ser bisa, cu e laptop tin nomber tambe. Mientras cu e laptop ta pertenece na un trahador di 24 Ora, por bin compronde cu e sistema tabata manda signal directo pa Speed Andrade cu Patrick Paskel.
Tin hopi prueba cu Speed Andrade tabata instrui su trahadornan unda nan mester acudi cu urgecia y kico ta sosodiendo.
Pues den e dianan cu ta sigui, nos lo tende con e investigacion ta sigui y con largo e lo bira.
Hecho ta keda cu aki por papia di pagonan na dicho polis. Y ta ken t’esun cu ta paga e polis? E trahado of e doño di e compania? Si tin prueba cu e polis tabata cobra, e ta hasi tambe e doño culpabel di a soborna.
Notabel ta cu desde a desmantela e operativa, e pagina di noticia ta zwak zwak di noticianan di polis y ta “sin noticia”
