Mientras investigacion ta sigui, Polis Vos ta keda deteni te dia cu e caso penal wordo trata na September 2023
Diahuebs merdia 2’or Corte a trata e caso pro forma den e caso penal contra e agente di Polis Vos.
Solo do pureblo a compronde cu polis Vos ta keda sera te dia 21 di September 2023 mainta ora cu lo trata e caso den su contra.
CASO PRO FORMA
Ta asina cu caso pro forma ta solamente pa fiha un fecha pa tratamento di e caso penal. No ta bay den detayes riba e acusacionnan. Tambe ta asina cu abogado lo por pidi Hues pa su cliente wordo poni den libertad pendiente di e fecha cu fiha pa tratamento di e caso.
ACUSACIONNAN
E acusacionnan cu Fiscal a presenta contra Robert Vos ta cu el a haci “verduistering” di material di trabao. Tambe Fiscal ta acusa Vos di a haci soborno o sea a accepta placa of regalo haciendo cosnan contra su trabao como Polis. Ademas Fiscal ta acusa Vos di labamento di placa entre 13 October 2018 y 22 Maart 2023.
RECHAZA PETICION PA LIBERTAD
Abogado mr. de Sousa kende a defende R.M.V. a pidi Hues pa laga R.M.V. den libertad pendiente 21 di September 2023. Fiscal a bay contra e peticion aki. Fiscal ta haya cu e acusacionnan contra R.M.V. ta hopi serio y no por lag’e den libertad.
Hues a evalua un rato y a dicidi cu e ta rechaza e peticion pa laga R.M.V. den libertad. Esey ta nifica cu R.M.V. ta keda sera den KIA te dia 21 di September 2023 pa tratamento di e caso penal contra dje.
INVESTIGACION TA SIGUI:
Por a compronde cu e investigacion ta sigui. Tin un parti cu ta cla, pero ainda falta. Tin diferente aparato electronico den beslag, y a logra habri un aparato, y aki a topa cu miles y miles di “bericht” cu tabata wordo manda pa tercera persona.
Ainda falta pa ricibi di Hulanda y Curacao e otro aparatonan.
Manera Solo di Pueblo a informa, a haya un centro sofestica di comunicacion na su cas, cu tabata manda señal pa 24 Ora. .
E investigacion ta sigui!
