Jopie Abraham, amigo di Aruba, y ex lider di PDB di Bonaire a fayece diamars. Asina medionan na Bonaire a informa.
Jopie tin un trajecto largo den politica y desde hopi aña pasa tin bon amistad cu Aruba, cu Partido Mep na Aruba, Betico Croes dfm, Nelson Oduber, Rudy Croes, Booshi Wever, Dirk Dumfries, y hopi mas persona na Aruba.
Jopie practicamente a fayece na su tino, unda te cu ayera, Jopie tabatin contacto cu amigonan na Aruba.
Jopie mes a informa cu e ta birando mas malo, y su problema di pulmon, cu e tin añas ta lucha cune, parce cu awor si, no ta duna mas.
Tabata bira dificil pa Jopie por a sigui hala rosea, ya cu e pulmon tabata traha na lo minimo.
Famianan y yiunan ta yegando Bonaire pa asina pasa e ultimo momentonan cune, kisas algun a yega na tempo, y otronan lo yega sin por a despedi.
Jopie ta un persona dedica na politica y asina tambe su yiu homber tambe a sigui su paso.
Solo di Pueblo y director Edmond Croes ta extende palabra di condolencia na famianan.
Condolencia na pueblo Boneriano y na tur su amigonan.
