Diamars atardi alarma a wordo bati pa un tienda na candela den caya grandi.
Mesora polis y ambulance a mobilisa pa e sitio y a bin ripara cu huma tawata saliendo for di e tienda Polo Club.
Un unidad di Brandweer a drenta den caya, unda cu mesora bomberonan a drenta pa inspecciona di unda tur e huma ta biniendo.
Dado momento nan a sali bek, y a bay pasa patras di e edificio pa por drenta di banda ey.
Na e sitio nos por a tende algun empleado bisa cu e candela a cuminsa den e warehouse y a expande rapidamente. Ey ta unda cu nan a bati alarma mesora.
E temor tawata pa e candela no bay over na e tiendanan den banda y bira manera un La Linda. Pero bomberonan bou supervision di local y algun Hulandes a sa di domina e candela.
A usa aparatonan special pa chupa e huma di e establecimento, tambe a controla e piso ariba y edificio na banda.
