Lo bo warda den pas perfecto, esun cu su pensamento ta permanece den Bo, pasobra e ta confia den Bo.
Nos tur por sinja,for di locual a sosode den Mateo 3:17; Y ata un bos for di cielonan , bisando esaki ta mi Yiu stima, den kende Mi tin goso. Y den Mateo 4;3 ta para scirbi: Y e tentado (satanas) a bin bis’E si Bo ta Yiu di ordena e piedra nan aki pa nan bira pan.
E enemigo kier trece confusion, duda,y descurashamento.
Pero nos Confiansa mester ta hancra den Dios.
Nada por a hala Abraham su fe for di Dios,
Nada por a hala Hose su fe for di Dios,
Nada por a hala Job su fe for di Dios.
Nan a traspasa den nan prueba, malesa y hasta castigo di prison , pero nan fe a aumenta.
Riba tur locual cu Job a perde, y malesa cu ataca su bida, su fe den Dios no a debilita.
Rey Ezequias a para su so dilanti di un ehercito, dilanti un enemigo grandi y poderoso, pero su Confiansa den Dios tabata grandi.
Dios a manda bisa rey Ezequias pa e drecha su cas pasobra e ta bay muri, pero den fe e a haci oracion na Dios y Dios a dune 15 anja mas di bida.
Saulo di Tarso sin nunca a mira Hesus, a haci e pregunta , Kico bo kier mi haci?
E mesun Saulo di Tarso a bira Pablo homber di Fe, cu Dios usa pa haci milager y sinja hopi hende, y awe nos tur por ricibi di locual Pablo a laga atras.
Den tur e atake nan cu Pedro a pasa e a keda stima Hesus, e a keda mantene su Fe, y Hesus a restaura Pedro, y Pedro a usa e nomber di mesun Hesus cu e a nenga pa haci milager.
Pablo y Silas tabata sera y cadena, pero nan fe no a debilita, nan a sigi canta y alaba Senjor, y e cadena nan a cay.
Den ken mas nos por pone nos fe cu no ta den nos Senjor y Salbador Cristo Hesus, situacion por ta scur, no ta importa kiko nos por hanja nos aden , laga nos fe keda planta den Senjor.
Senjor ta bendiciona esnan cu ta confia den dj’E, pasobra ta Senjor mes ta nos refugio y nos forti.
No preocupa pa nada, ma den tur cos, pa medio di oracion,y suplica cu gradicimento,laga boso peticion ta conoci dilanti di Dios. Y e pas di Dios, cu ta surpasa, tur comprendemento,lo warda boso curason y boso mente den Cristo Hesus.( Filipensenan 4:6-7).
Mira, Dios ta mi salbacion, lo mi confia y no tene miedo, pasobra Senjor Dios ta mi,fortalesa y mi cantica, y E a bira mi salbacion.( Isaias 12:2).
Nos confiansa den Senjor mester prevalece den tur cos, nos crecemento ta depende di nos confiansa den Senjor, Nos autoridad ta depende di nos confiansa den Senjor.
No confia den placa , ni tampoco den propiedad, no pone bo confiansa den oro, pasobra nada no ta eterno, solamente Dios ta eterno.
No tene miedo pasobra Mi ta cu bo, no desmaya, pasobra Mi ta bo Dios,lo Mi fortalese bo si lo Mi yuda bo.si lo Mi sostene bo cu mi man drechi di mi husticia.( Isaias 41:10).
Pasobra Ami ta Senjor bo Dios, Kende ta sostene bo man drechi, Kende ta bisa bo,No tene miedo, lo Mi yuda bo.
Dios yuda nos mantene nos confiansa den bo Senjor, pasobra den bo solamente tin salbacion y bida eterna.
Sinceramente, Pastor Marcel Balootje
