Calabasstraat, Dakota – Diabierna den oranan di anochi algo pasa di 9’or varios unidad di polis a bay Dakota, altura di YMCA.
Den e caya cerca di YMCA tawata tin un homber haciendo straño, y habitantenan no a confia esaki.
Na yegada di polis nan a constata cu ta trata di un conoci di nan, cu ta pashent di Respaldo. E biaha aki e homber probablemente bou influencia di un of otro substancia tawata tin “algo” cu ne y lo tawata kier a usa esaki contra tur hende cu yega cerca.
Dado momento agentenan pa nan propio siguridad lo a saca nan arma reglamentario y a ordena e homber aki pa pone locual e tin den su man abou.
Na final a logra overmeesterd e cabayera y pone den boei, tanto na man y pia.E la wordo transporta pa warda di Playa, unda cu no a bah’e mes for di e transportwagen.
Ordo a bin pa e wordo hiba Spoed Eisende Hulp, unda cu aunke sa cu e ta un persona cu problema mental, lo mira ki substancia e lo tin den su curpa.
Ta un situacion peligroso, unda cu e persona kizas ta haya un injectie y ta calmo pa algun rato. Pero, momento cu e efecto caba lo tin problema atrobe.
Pues e persona aki cu ta un peliger pa comunidad; mester atencion mesora y polis no por dune e atencion medico ey cu e mester.
