Abo ta biba den e parti Caribense di Reino Hulandes of bo a nace riba un di e seis islanan (Aruba, Boneiro, Corsou, Saba, Sint Eustatius y Sint Maarten) y bo tin pensa di obtene e grado di doctor den ciencia? Si bo ta desea di contribui na conocemento cientifico cu por yuda pa atende cu retonan importante riba e islanan Caribense di Reino Hulandes, e ora ey nos ta curasha bo pa entrega un declaracion di intencion!
Segun expectativa, NWO lo saca un Yamada pa entrega proposicion pa Beca promocional den mei, como parti di e Programa di Investigacion Caribense: un acercamento multidisciplinario. E Yamada ta destina pa investigadonan gradua, cu ta desea di haci investigacion di promocion cu ta directamente relaciona cu of ta relevante pa e islanan Caribense di Reino.
Tocante e programa
Na 2013 Ministerio di OCW a crea e Programa di Investigacion Caribense. E ta apoya investigacion di calidad halto cu e meta pa fortifica e base di conocemento, construi capacidad di investigacion y contribui pa atende cu problematicanan social urgente den e parti Caribense di Reino Hulandes (region Caribense).
E Yamada pa entrega proposicion aki ta ofrece beca di promomocion pa investigacion cu:
- Ta aumenta y fortifica produccion di conocemento cientifico den y tocante region Caribense;
- Tin impacto cientifico y social riba e islanan;
- Ta ser ehecuta pa gran parti den e region Caribense, di manera cu ta garantisa relevancia y conexion local;
- Ta contribui na desaroyo a largo plaso di capacidad y infrastructura di investigacion den region Caribense.
Esaki ta un tremendo oportunidad si bo:
- Ta desea di obtene un grado di PhD na Hulanda of na un di e siguiente universidadnan: Universidad di Aruba, Universidad di Corsou, Universidad di St. Maarten;
- A nace of ta bibando actualmente riba un di e seis islanan Caribense di Reino*;
- Tin un diploma di master of ekivalente;
- Ta motiva pa alcansa un grado di PhD cu ta beneficia e region Caribense.
* Esaki ta un exigencia si bo kier obtene un grado di PhD na un organisacion di investigacion na Hulanda. Por haña tur condicion den e Yamada pa entrega proposicion.
Apoyando mas candidato di e region Caribense pa promove, NWO kier yuda fortifica universidad-, organisacion- di investigacion y rednan di conocemento local.
Presupuesto
Pa proyecto por pidi un suma di subsidio di maximal €350.000. E duracion maximo di e proyecto propone ta 48 luna/cuater aña (of part-time ekivalente).
Ultimo Fechanan
- E ultimo fecha pa entrega di declaracionnan di intencion ta 24 di juni 2025, prome cu 17:00:00 CEST/11:00:00 AST.
- E ultimo fecha pa entrega di preregistracionnan ta 16 di september 2025, prome cu 17:00:00 CEST/11:00:00 AST.
- E ultimo fecha pa entrega di proposicionnan completo ta 24 di februari 2026, prome co 17:00:00 MET/12:00:00 AST.
Si bo no a entrega declaracion di intencion, no ta posibel pa entrega un preregistracion.
Kico ta un declaracion di intencion?
Un aplicacion ta cuminsa cu un declaracion di intencion, sigui pa un fase di preaplicacion, aplicacion completo y un entrevista. Cu un Declaracion di intencion bo ta duna di conose cu bo tin intencion di entrega un peticion pa e Yamada pa entrega Proposicion aki. Cu e declaracion di intencion NWO por determina e cantidad di aplicacion cu por spera. E Declaracion di intencion aki no ta parti di e procedura di evaluacion, pero ta obligatorio y mester entreg’e prome cu e ultimo fecha (wak paragraf Ultimo Fechanan).
Den e declaracion di intencion aki nos ta pidi informacion mas detaya tocante e organisacion di investigacion pa promocion y guia di deseo (promotor responsabel, co-promotor i/of guianan (diario)) relaciona cu e proposicion di investigacion desea. Den e preregistracion bo por haci cambio ainda den bo team di investigacion y guia. Si bo no a entrega un declaracion di intencion (y anexo obligatorio), no ta posibel pa tuma parti na e procedura di entrega.
Financiamento
Ta publica e Yamada pa entrega proposicion aki, incluyendo criterionan di admision, condicionnan adicional y procedura di aplicacion, entrante fin di mei riba e website di NWO. Mas informacion ta disponibel pronto riba e pagina di financiamento.
Bishita e pagina di financiamento
Descargo di responsabilidad (Disclaimer)
Esaki ta exclusivamente un anuncio di un programa di investigacion di NWO. E posibilidad pa pidi financiamento ta habri pa publico despues di publicacion di e Yamada pa entrega proposicion den e Staatscourant. Den e Yamada pa entrega proposicion por haya tur e exigencianan.
