Buena Vista – Dialuna atardi pa mas o menos 4’or polis a bay den e bocht di Buena Vista unda cu auto lo a dal un persona.
Na yegada di polis di trafico a resulta cu auto no a dal ningun persona.
A bin resulta cu tawata trata di un caso di maltrato, unda cu e victima ta e conocido Preke.
Na stuur tawata un otro persona conoci di Husticia.
Na banda di caminda tawata tin un pick up para. Algun persona cu a bira e testigonan clave tawata den man auto, y birando e bocht a tuma nota di un maltrato pisa memey di caminda.
Segun e testigonan, e homber P cu ta chauffeur tawata dal/bati Preke manera ta un popchi e tawata .
Preke cu ta un persona cu hopi delega lo a haya basta golpi y kap serio na cabes.
Esaki a bira motibo suficiente pa detene e chauffeur P pa maltrato.
Den baki di e pick up tawata tin un boter di e bebida Night Train y tambe na banda di caminda un otro boter di Night Train buta abou.
Loke por a pasa ta cu durante P tawata hibando Preke cas problema a start den auto, y debi cu ambos ta bou influencia P a dicidi di para e auto na banda di caminda y maltrata Preke.
Ambulance a yegada y pa algun minuut a cera caminda pa e Paramediconan por a atende Preke y lante for di caminda.
Mientrastanto a pidi transportwagen di Santa Cruz cu a presenta pa hiba P.T warda unda e lo wordo presenta dilanti un Sub Fiscal cu lo determina kiko lo bay pasa cu su libertad.
