Team Academy Amsterdam a aserca y pidi e empresa nobo na Aruba, Lopes Slot Training & Coaching pa duna un presentashón na nan studiantenan internacional cu ta kedando na e momentonan aki na Aruba. Dia 6 di december e empresarionan Lopes-Slot y Slot-Lopes a duna un presentashón cu hopi inspirashon na e 10 studiantenan cu ta studiando pa Empresario International na e academia. E studiantenan a opta na e scol pa kana nan stage kortiko e anja aki na Aruba enbez di na Afrika. E academia a aserka e dos empresarionan aki a través di LinkedIn.
E 10 studiantenan di Team Academy International ta kedando na Aruba na e momentonan aki pa 3 siman. Durante nan estudio, cada uno di nan a cuminsa cu nan mes un negoshi cu productonan y servicionan innovativo y di berdad. Tur anja e studiantenan ta viaja pa diferente pais na mundo pa asina nan sinja di diferente paisnan y pa asina nan por amplia nan network y konekshon cu ta consisti di diferente hende y negoshinan. E aña aki Aruba a wordo eligi como pais pa nan hanja mas experencia. E studiantenan a ricibi e dos empresarionan den un Villa masha bunita y impresionante na Malmok y a duna nan presentashon na un manera inspirativo y a duna splikashon over di e diferencianan con pa lanta y hasi negoshi na Hulanda y Aruba. Despues e studiantenan a cuminsa hasi tur nan preguntanan pa sa e secretonan di e empresarionan con pa lanta un negoshi.
Pakiko boso a kies pa bin habri un negoshi na Aruba?
Richard Lopes-Slot, un di e dos empresarionan, a contesta cu e la nace na Aruba. Nan a contesta y splika tambe: “Den e último temponan, Covid a sinja nos cu ta hopi importante pa bo biba serka di bo famia. Nos tabata biba na Boneiro cu ningun famia riba e isla. Y no por a bula fasil pa Aruba door di Covid. Nos tur dos tabata leeuw di nos famia na Hulanda y na Aruba. Na Hulanda ya nos tabata tin varios añanan di experiencia den e mundo di scol, bancario y seguro den e functionnan di meneer di scol, advisor y despues pa hopi anja como senior docent, leidingevende y manager. Lopes Slot Training & Coaching a traha huntu cu varios negoshinan cu ja tabata conoci den e mundo bancario y di seguro. Danki na e experencia amplia como manager, advisor, trainer y coach y cu semper a duna servicionan excellente, pa nos negoshi tabata fácil pa drenta train y coach e trahadornan den bankonan grandi y conosi na Hulanda. Awor na Aruba. Aruba ta bai basta bon, pero falta un paar di stap pa bai mas dilanti. No ta tur caminda ta duna bon servicio. Lopes Slot a cuminsa na Aruba cu jen di energia pa juda hendenan y negoshinan pa tuma control over di nan futuro priva y professional y pa sinja duna servicio excellente na klientenan. Esey ta nos sonjo cu nos kier realisa na Aruba “.
E studiantenan a puntra: kiko boso ta konseha nos of ki tips boso tin pa nos?
Consejo 1: “Mustra semper boso pashón”. Mustra boso pashon pa bo producto ku bo ta bende, pa bo negoshi y pashon pa bo klientenan. No Fake! Pasobra e kliente lo ripara. E mester sali di bo curason y bo pashon mester ta di berdad.
Consejo 2: “No give up fácilmente”. Tene na cuenta cu un período cu bo tin mester pa lanta bo negoshi y cu bo no tin entrada. Como un empresario, lo bo kier cuminsa di biaha y gana plaka, pero promer mester regla hopi asuntonan importante manera por ejemplo pidimento di permiso, seguro, registra na Cámara di Comercio y belastingdienst. Pero tambe como un VBA mester bai notario, bo mester habri un cuenta di banko, solicita financiamento y cumpra inventario. E dos empresarionan ta sigui splica cu esaki ta normal ora di lanta bo negoshi y bo no mester give-up. No laga nada ni ningun hende para bo. Djis sigui pa realisa bo sonjonan. Nos mes ta casi kla full kla pa establece nos negoshi na Aruba. A dura nos 2 luna pa establece, pero a prepara nos mes mas di 6 luna promer. Mientras tanto, ya caba nos a cuminsa cu diferente gespreknan na agencianan grandi na Aruba y ofertanan a wordo manda. Nos promer opdracht a drenta y nos ta preparando pa start e siman aki pa duna training y coaching. Nos ta hopi contento.
Consejo 3: “Traha huntu cu otro negoshinan”. Na Aruba nos a ripara y a experencia cu bo no por traha bo so, meskos cu na Hulanda. Bo mester di otro negoshinan cu hopi experencia na Aruba pa huntu boso bai dilanti. Na henter mundo boso mester di otro negoshinan pa traha huntu cu nan. Y tambe si bo no tin muchu conocimiento di leynan of reglanan y bo no tin tempo pa sinjanan, e ora buska un hurista of abogado pa juda bo cu bo tramitesnan. Pa asina bo por antisipa y prepara na tempo pa diferente procesonan gubernamental, pa bo no hanja bo cu sorpresa.
Consejo 4: “Amplia bo netwerk mas liher posibel”. Nos tin un netwerk grandi na Hulanda y BES, pero awor nos tambe mester amplia nos netwerk na Aruba. Hopi amigonan y famia ta judando nos y ta trese nos liher den contacto cu diferente hende y klientenan potential. Conose mas hende posibel y laganan wak y sinti bo pashon pa bo negoshi. E directora di Team Academy a aserka nos a través di LinkedIn unda cu nos tin huntu 16 mil contacto. E la pidi nos pa hasi un presentashon pa boso y pa contesta boso preguntanan. Eynan bo ta mira cu LinkedIn ta un bon plataforma pa bo amplia bo contactonan nobo y cu negoshinan international.
E buki: ‘Pashón, emoshon y amor pa e kliente’
Ora a kaba cu e presentashon y cu a kontesta tur e preguntanan di e studiantenan, Richard a regala su buki ‘Pashón, emoshón y amor pa e kliente’ na e studiantenan. Den e buki, e studiantenan por sinja con pa tene un conversashon effectivo y cu hopi exito cu nan klientenan. Y nan ta sinja den e buki con pa duna un servicio excellente. Actualmente e bukinan ta na caminda pa Aruba. Na januari 2022 e bukinan lo wordo bendi den tur e boekhandelnan na Aruba.
A termina e presentashon cu un aplauso fuerte pa e presentashon. E studiantenan a keda masha contento y a gradici e dos empresarionan pa nan tempo y dedicashon na desaroyo di e studiantenan. Richard y Ronald a pidi e studiantenan pa no give-up nunka y sigui bringa te ora nan jega nan meta final.
Portret:
Riba e portret por mira e empresarionan Richard Lopes-Slot y Ronald Slot-Lopes huntu cu e 10 studiantenan international. Tambe por mira na momento cu e buki a wordo regala na e mentor di e 10 studiantenan.
Informashon pa redaccion: No pa publica!
Si bo ta desea un entrevista exclusivo cu e compania Lopes Slot Training & Coaching laga nos sa libremente. Tambe nos por scirbi articulonan pa empresanan y managernan den boso corant. Nos tin hopi articulonan interesante cu nos por publica den boso corant den un pagina special pa negociantenan.
Por tuma contacto cu nos libremente via:
Lopes Slot Training & Coaching VBA
Cumana 95-J, Oranjestad
Tel: +297 56 98471 / +297 5656703
Email: info@lopesslot.nlWebsite: www.lopesslot.nl
