Directiva di Arubaanse Voetbal Bond (AVB) a tuma un decision importante durante nan reunion di bestuur dia 5 di mei. Den un comunicado oficial, AVB a informa cu nan a pone nan Presidente, señor Randolf Lacle, inactivo temporalmente. E decision aki a wordo tuma pendiente un investigacion cu lo tuma lugar.
AVB, mediante su Secretario General señor Achmed Nunes, a haci un apelacion na comunidad pa mantene trankilidad. Nan a asegura cu tur actividad deportivo programa lo continua manera planea, sin ningun interupcion.
E motibo exacto di e investigacion no a wordo divulga den e comunicado. Sinembargo, e medida di suspende e presidente ta indica cu e asunto ta wordo tuma cu seriedad pa e directiva di e organisacion deportivo.
AVB lo duna mas informacion asina cu e investigacion avanza y tin mas claridad riba e situacion. Pa awor, e enfoke ta pa sigura e continuidad di e futbol na Aruba y pa coopera plenamente cu e proceso di investigacion.
