Dia 29 di april Archivo Nacional Aruba (ANA) a ricibi bishita di e Voorzitter di Eerste y Tweede kamer di Hulanda, respectivamente sr. Jan Antonie Bruijn y sr. Martin Bosma acompaña pa nan delegacion di Staten Generaal.
Na yegada e delegacion a wordo ricibi door di e director di Archivo Nacional Aruba sr. Raymond Hernandez, cu a duna nan un caluroso bonbini na Archivo Nacional Aruba. E bishita tabata consisti di e Voorzitter di Eerste y Tweede Kamer acompaña pa un delegacion di 5 persona y tambe represenantenan di VNO aki na Aruba. Durante nan bishita nan haya un splicacion di e exposicion actual di Archivo Nacional cu e tema Aruba den temp’i guera. Colega Johny van Eerden a duna un splicacion amplio di e exposicion. Despues Edric Croes a duna un splicacion di e contenido di e exposicion tambe y a splica e trabounan di digitalisacion cu archivo hunto e partnernan di herencia cultural na Aruba ta desplegando den cuadro di Coleccion Aruba.
Coleccion Aruba (https://coleccion.aw) ta e portal unda institutonan na Aruba ta coopera hunto pa trece mas tanto informacion posibel tocante e historia di Aruba pa tur caminda.
Despues nan a haci un recorido na e afdeling di digitalisacion y a haya un bista den nos repositorio.
Na final sr. Bosma a elogia pa e trabou cu Archivo Nacional a bin ta haci y cu a pesar di ta un instancia mas chikito cu Archivo Nacional di Hulanda, e trabou ta demostra e nivel di profesionalismo. Tambe a elogia e iniciativanan riba tereno digital.
