Den haag: Diamars ultimo ta tuma lugar e apertura di aña parlamentario nobo na Hulanda pa cual Rey Willem Alexander ta presenta e pensamentonan, deseonan y visionnan di Gobierno Hulandes pa cu e aña parlamentario den e asina yama Prinsjesdag.
A repasa varios tema, cual entre otro a papia di e conmemoracion na aña 2023 di abolision di sclavitud.
Rey a bisa cu a pone 16 miyon disponel pa mehora forsa di compra pa habitantenan di Boneiro, Sint Eustatius y Saba. Den 2024 ta pone 12 miyon extra y despues 4 miyon pa aña. E placa ta wordo ta wordo aloca den medidanan amplio pa mehora e poder di compra na Hulanda.
Aruba, Curacao y Sint Maarten no a toca mes un suerte cu BES eilanden, pasobra pa islanan ABC, Rey a bisa cu e lo promove coperacion entre e islanan cu Hulanda.
Un di e detaye concreto cu por mira den e presupuesto Hulandes ta un 500 miyon Euro, cu Hulanda a aloca pa renobacion di un edificio di comunidad Chines na Curacao. Den luna di April ultimo, representante di Hulanda VNO a anuncia e fondo aki na Comunidad Chines, pa e conmemoracion di 80 aña unda Chinesnan a wordo bombardia na Curacao y cu hopi a fayece.
Rey a trece dilanti cu den comunidad no tin lugar pa racismo ni descriminacion.
Relaciona cu e negoshi di esclavo, Rey a bisa cu nos no ta bay husga loke nos antepasadonan a haci, pero si cu un bista y sentimento pa loke ta nos historia a nifica pa varios grupo y culturanan, cu ta forma parti di comunidad.
