E partido nobo, Accion21, cu a logra recientemente un asiento den parlamento, ya ta confrontando su prome problema interno. No tin mucho informacion ainda riba kico ta e motibo di e problema, pero ta mustra den direccion di rabiamento interno.
Informacion cu ta yega ta bisa cu tin cosnan cu no ta canando na agrado di miembronan di partido of tin cierto miembronan cu ta instiga pisa contra otro, y como tal ta creando un horcan.
Riba red social, nos por a mira un post di Daphne Lejeuez, cu ta mustra di por ta dunando un reaccion riba loke ta sosodiendo internamente. Esaki no ta un prueba, pero kisas un indicacion si.
E partido ta pasando tambe den desgusto di su votadornan, kendenan no a vota pa bloke. Riba red social por mira con votadornan ta opina, cu nan no a vota pa forma bloke.
Kico ta e intencion tras di forma bloke?
E intencion tras di forma bloke, ta uno inteligente, pasorba un bloke lo asegura cu Accion21 lo drenta gobierno y cu Mansur por bira minister. Pues e idea ta cu 3 partido ta mara na otro, bira 5 asiento, y ta keda dos opcion: Sea nan ta forme cu Avp of cu MEP. Ta un complot pa asina menasa partido grandi, y cu ta bisa: Nos tur of nada!
Claroo cu e autor di e plan aki ta uno hopi inteligente, pero Ursel Arends no a cay den e wega di complot aki y a prefera pa su partido sali pa su mes, pa su votadornan.
Den fin di siman, Miguel Mansur a yama Ursel Arends na varios ocacion, pero Ursel no a contesta. Ta di compronde tambe, pasobra Ursel ta den momento di luto actualmente. Sinembargo Arends a laga sa cu e no kier forma parti di e precion, chantage y tampoco su persona mester ta esun cu lo mester lucha pa hinka Acc21 y MAS den gobierno.
Finalmente nos por compronde cu e situacion actualmente ta hopi “on fire” den e partido nobo Accion 21 y no por descarta cu e actitud di Miguel Mansur tambe ta contribui na e desgusto den partido, esta na su actitud arogante.
