Les di landamento ta sigui
Problema di instuctornan di landamento a keda soluciona. Asina Minister Endy Croes a bisa.
Contratio na e plan di ex minister Lampe pa manda e intructornan pa IBISA, a draai bek e desicion y lo laganan na DPS.
Nan tin 28 aña trahando asina y cu e maneho di Lampe, a afecta e instructornan aki, ya cu cada ves mester firma otro contract.
A hiba e solucion aki pa ministerraad y conseho di minister a duna aprobacion pa e plan di solucion.
E motivacion ta basa riba e hecho cu e instructornan aki tin 28 aña di a traha asina y pa nan trankilidad, kier mantene manera nan a haci’ele.
Tambe minister a bisa cu el’a busca fondo den su presupuesto y asina por a paga un suma na transport di muchanan, pues e bus cu ta hiba nan. Pa esaki a autorisa 300 mil florin. Di e forma aki, les di zwemmen ta sigui asina cu scol cuminza.
