Minister Endy Croes a bisa cu un di e problemanan cu el’a haya riba su mesa ta e asunto di pago di “zwem instructeurs”.
Aki ta un grupo di trahadornan cu nan pagonan no a wordo regla y mester a bin cu un solucion sostenibel pa cu esaki.
Ya caba el’a duna ordo na departamentonan concerni pa atende esaki y dune un prioridad halto.
Minister Croes a bisa cu su persona ta traha cu deadline y solucion. E kier pe trabao wordo hasi den un tempo acceptabel pero alaves lihe.
El’a bisa cu pronto e lo yama un reunion cu sindicato y e representantenan di e grupo pa asina por presenta o delibera un solucion cu tur hende ta contento y por biba cune.
Endy Croes a asumi e funccion di Minister di enseñansa dialuna 20 di september y su prome reunion tabata cu SIMAR pa asina por a scucha e prome 3 prioridadnan cu mester atencion. Asina lo keda enfoca cada ves riba otro 3 prioridad pa asina por traha eficiente y cu resultado concreto.
