Animal Welfare Alliance Aruba (AWAA) a anuncia cu su programa di sterilisacion masal a prevení un estimacion di 49,000 cachó y pushi di nacedensituacion di caya solamente den aña 2025. Esaki ta marca e aña mas impactante di e organisacionte awor.
Mientras accionnan di rescate ta sigui salbando bida tur dia, AWAA ta enfatisá cu rescatesolamente no por resolvé e crisis continuo di sobrepopulacion di animal na Aruba.
“No nos por rescatá nos salida for di e problema di sobrepopupacion,” Mercedes de Bruyn, miembro di directiva, di AWAA ta bisa. “Rescate ta salbando bida awe, pero sterilisacion ta cambiando futuro.”
E cifra nan di sterilisacion di AWAA ta mustra un crecemento fuerte:
•2023: 1,500 animal sterilisá
•2024: 2,700 animal sterilisá
•2025: 4,687 animal sterilisá
Esaki ta trese e total di animal sterilisá pa AWAA na 8,887.
Segun datonan di AWAA, e sterilisacionnan hasi na 2025 solamente ya caba a prevení nacementodi
•28,000 cachó
•21,000 pushi
E cifranan aki ta representá decena di mil animal cu a wordo salva di un bida di hamber, malesa, negligencia, abandono, y sufrimento riba caya.
“Sterilisacion masal ta e unico manera probá pa baha e number di animal c uta drenta den e sistema, aliviá presion ariba rescatistanan, y protehá bienestar di animal na largo plazo,” segunAWAA. “Ora nos baha nacemento na e fuente, henter e sistema ta bira mas humano y sostenible.”
AWAA ta sigui traha huntu cu rescatistanan, voluntarionan, y miembronan di comunidad riba henter e isla, reconociendo cu mester di prevencion a demas di rescate, concientisacion y educacion pa crea un cambio duradero.
⸻
Agradecimiento na Voluntarionan y Sponsoronan
AWAA ta expresa su agradecimiento profundo na tur voluntarionan arriba y pafor di Aruba cu a contribui durante aña 2025 pa logra e resultado extraordinario aki. Nan amor, dedicacion y perseverancia pa bienestar di animal ta inmenso. Sin e compromiso di nos voluntarionan, etrabou di AWAA no lo ta posibel.
AWAA tambe ta gradici tur sponsornan cu a sostene nos trabou financieramente , a la vez tur nos sponsornan di cuminda y e partnernan cu a contribui cu sponsoring di nos edificio. E apoyo financiero y logistico di nos sponsoronan ta esencial pa garantisa cu nos por sigui ofreciendo sterilisacion y cuido na e escala cu Aruba mester .
Huntu cu e apoyo di nos voluntarionan y sponsornan, AWAA ta creando un cambio real y duradero pa bienestar di pushinan y cachónan na Aruba.
_____
Tocante Animal Welfare Alliance Aruba (AWAA)
Animal Welfare Alliance Aruba ta un organisacion sin fin di lucro dedica na reduccion di sufrimento di animal a traves di sterilisacion masal, educacion comunitario, y colaboracion cupartnernan di rescate. Mision di AWAA ta pa para e ciclo di sobrepopulacion y mehora calidad di bida di pushinan y cachónan na Aruba pa medio di solucionnan basá riba prevencion.
