E prome dia di natacion na e Weganan Panamericano a cuminsá cu un nota positivo pa #TeamAruba. E prestacionnan di nos atletanan, Avi Tromp y Braynsly Dirksz, a duna un indicacion prometedor pa e dianan cu ta bin.
Den e finalnan competitivo di 100m breaststroke, Aruba a keda representá pa dos di su mihó nadadornan. Avi Tromp a demostrá su habilidad excepcional dor di yega te na e final A, unda el a terminá na un honorabel di 8 luga. E ta un logro impresionante, marcando su prome biaha cu e ta yega asina leu den un final A na un evento di nivel Panamericano.
Tambe, Braynsly Dirksz a competí den e final B di e mesun evento. Den un grupo grandi y sumamente competitivo, Braynsly a logra terminá na di 16 luga. Su esfuerso y dedicacion tambe a resaltá, mustrando e talento y determinacion di e atletanan Arubano.
Comité Olímpico Arubano (COA) ta extende un caluroso felicitacion na ambos atleta pa nan prestacionnan remarcabel. E resultadonan aki ta un inspiracion pa e henter team y pa e comunidad di Aruba. Nos ta pendiente di nan siguiente competencia.
