Prome Minister Evelyn Wever-Croes diaranson mainta a bishita Colegio Laura Wernet Paskel pa un presentacion di Leerorkest. E proyecto aki ta un inicitativa sumamente bunita entre Ministerionan di EnseĂąansa, Asuntonan Social y Husticia di Aruba y Hulanda.
Alumnonan relativamente chikito di tweede, derde, vierde y vijfde klas, a cera conoci cu instrumentonan cu normalmente na e edad aki nan no ta cera conoci cu nan. Riparabel ta tambe cu e muchanan aki tin un pasion pa musica. âMi ta sigur, cu esaki, nos ta plantando un simiya den cada un di nan pa den futuro musica por bira parti di nan bida tambe. Talves profesionalmente pero talves simplemente pa nan por relaha y disfruta di nan bidaâ, Prome Minister a expresa.
Cabesante di Colegio Laura Wernet-Paskel, Juffrouw Bernadetta Figueroa-Geerman, a expresa di ta hopi contento cu e presentacion di leerorkest. Juffrouw Eta a duna di conoce cu e muchanan di klas 2, ta haya e formacion general di musica, (na Hulandes âAlgemene Muzikale Vormingâ), muchanan di klas 3 cu nan instrumento di escogencia a haya les di musica durante un aĂąa escolar for di diferente maestro profesional den musica. Y den nan presentacion, nan a demostra kico nan a siĂąa durante e aĂąa escolar. âMi tin cu bisa cu mi ta hopi orguyoso di e muchanan y mi ta hopi agradecido di tin un proyecto asina bunita na nos scol unda cu leerorkest ta yuda nos yega na nos meta di forma mas ciudadanonan cu amor y pasion pa musicaâ, Juffrouw Eta a expresa.
Prome Minister a gradici Juffrouw Eta y docentenan di Laura Wernet Paskel y e grupo di leerorkest pa un bunita proyecto pa inculca amor y pasion den musica den nos muchanan. Alaves Prome Minister ta felicita nan pa e exito di e bunita proyecto aki.
