Diahuebs anochi Premier Mike Eman a asisti na un recepcion di bonbini na Fort Zoutman pa honra e presencia di 15 diplomatico di Reino Hulandes, incluyendo embahadornan regional, representante diplomatico y consul.
E evento a conta cu presencia di Su Excelencia Alfonso Boekhoudt, Gobernador di Aruba, cu a duna un palabra di bonbini na e diplomaticonan.
Durante su discurso, Prome Minister Eman a comparti un mensahe di e vision y direccion pa futuro, enfatisando e importancia di lasonan duradero y di respet mutuo den Reino Hulandes. Aruba tin un rol esencial den Reino cu ta basa riba cooperacion sostenibel, confiansa y progreso comparti, cu su vision pa fortifica mas e relacionnan diplomatico y habri porta pa desaroyo cu otro paisnan.
Relacionnan den Reino no mester limita nos vision, sino amplia e horizonte. Den union y cu respet por yega mas leu, y esaki ta habri oportunidadnan pa crecemento y bienestar pa tur pueblo den Reino.
E anochi a crea un ambiente inspirado pa intercambio, colaboracion y conexion humano, cu diplomaticonan y miembronan di Gabinete AVP-Futuro den cual a comparti ideanan, experencia y speransa pa un Reino mas fuerte y un Aruba cu ta mira cu confiansa pa dilanti.
Gobierno di Aruba ta reafirma su compromiso pa sigui traha riba relacionnan diplomatico strategico y duradero, como base pa stabilidad, desaroyo y union den Reino di Hulanda.
