Diaranson anochi, 10 di juli na Aruba Surfside Marina, Kiwanis Club of Aruba a haci entrega di e “Clint Whitfield Outstanding Student Award 2024”. E premio aki ta honra studiantenan di Colegio Arubano cu a sobresali durante e aña escolar 2023-2024.
![](https://solodipueblo.com/wp-content/uploads/2024/07/MP-Kiwanis-Awards-8-1024x576.jpg)
E reconocimento ta nombra na memoria di señor Clinton Whitfield, miembro di Kiwanis Club of Aruba den feliz memoria, cu a traha cu amor y dedicacion durante hopi aña pa sirbi e comunidad di Aruba.
![](https://solodipueblo.com/wp-content/uploads/2024/07/MP-Kiwanis-Awards-9-1024x576.jpg)
Prome Minister Evelyn Wever-Croes presente pa e ocasion bunita aki a expresa su orguyo pa por celebra no solamente e studiantenan excelente, cu a sobresali cu nan esfuersonan academico, sino tambe e legado di señor Whitfield cu su vision y dedicacion a inspira generacionnan, motivando e hubentud pa lucha pa excelencia y contribui positivamente na e sociedad.
![](https://solodipueblo.com/wp-content/uploads/2024/07/MP-Kiwanis-Awards-7-1024x576.jpg)
Durante su discurso, Prome Minister a dirigi su mes na e ganadonan di e “Clint Whitfield Outstanding Student Award 2024” mencionando cu esaki ta e resultado di nan trabou duro, dedicacion y perseverancia y e premio aki ta un testimonio cu nan esfuerso no ta pasa desapercibi.
![](https://solodipueblo.com/wp-content/uploads/2024/07/MP-Kiwanis-Awards-6-1024x576.jpg)
Prome Minister:
“E mundo tin mester di boso talento, vision y impulso. Boso no ta solamente studiantenan prometedor, sino tambe lidernan. Corda cu esaki ta djis e cuminsamento. Probecha e oportunidadnan cu tin boso dilanti, sigui amplia boso potencial, y sigui cu e spirito di excelencia y servicio di señor Whitfield. Laga su legado inspira boso pa soña mas grandi, traha mas duro, y haci un impacto duradero riba e mundo rond di boso. Mi ta expresa mi mas profundo gratitud na Kiwanis Club di Aruba pa nan sosten continuo y dedicacion na nos hobennan. Un biaha mas mi ta felicita tur e studiantenan sobresaliente. Laga boso luz sigui briya y inspira otro cu boso logronan.”
![](https://solodipueblo.com/wp-content/uploads/2024/07/MP-Kiwanis-Awards-5-1024x576.jpg)
![](https://solodipueblo.com/wp-content/uploads/2024/07/MP-Kiwanis-Awards-4-1024x576.jpg)
![](https://solodipueblo.com/wp-content/uploads/2024/07/MP-Kiwanis-Awards-3-1024x576.jpg)
![](https://solodipueblo.com/wp-content/uploads/2024/07/MP-Kiwanis-Awards-2-1024x576.jpg)
![](https://solodipueblo.com/wp-content/uploads/2024/07/MP-Kiwanis-Awards-11-1024x576.jpg)
![](https://solodipueblo.com/wp-content/uploads/2024/07/MP-Kiwanis-Awards-10-1024x576.jpg)