Prome Minister Evelyn Wever-Croes a destaca durante e programa Interes di Pueblo, e avancenan realisa p’e Gabinete Wever-Croes I y II den materia di pensioen y reparatietoeslag. Fuera di esey, el a subraya cu nan lo sigui traha den medida adicional pa ofrece alivio fiscal.
Tur aña a ahusta e tarifanan di impuesto riba belasting, inkomstenbelasting y loonbelasting, reduciendo nan gradualmente p’e trahadonan por dispone di mas placa den nan man. E beneficio aki tambe lo ta inclui p’e pensionadonan cu ta ricibi dos pensioen, kendenan lo stop di paga impuesto riba esakinan.
E Prome Minister a delanta cu e detayenan di e medidanan aki lo wordo anuncia proximamente, reafirmando e compromiso di gobierno di alvia e carga fiscal pa tur e ciudadano.
