Diahuebs anochi, Prome Minister Evelyn Wever-Croes tabata presente na eceremonia di graduacion di e studiantenan di VWO Colegio Arubano. Prome Minister a expresa cu tabata un honor di por tabata presente na e ceremonia aki, na unda hunto cu e 38 graduadonan, por a celebra e resultado di nan esfuerso y dedicacion.
![](https://solodipueblo.com/wp-content/uploads/2024/07/VWO-Graduation-13-1024x683.jpg)
E ceremonia di graduacion a tuma luga na Rennaisance Convention Center, cu tabata sumamente bunita decora pa e celebracion special aki. Por a nota e sentimento di emocion den cada un di e graduadonan pa ricibi nan dilpoma cu tanto nan a traha y sacrifica p’e. Presente na e ocacion aki tambe tabata e mayornan, famia y amigonan cu a bin duna nan e sosten durante e momento importante aki.
![](https://solodipueblo.com/wp-content/uploads/2024/07/VWO-Graduation-12-1024x683.jpg)
Prome Minister a expresa cu e anochi aki tabata uno hopi bunita yena di emocion, pa mira un grupo asina grandi logra nan diploma, cu lo habri portanan pa un miho futuro. Ta importante pa cada un di e graduadonan aki sigui padilanti cu hopi amor y dedicacion, teniendo semper den mente cu nan ta e generacion cu lo bay representa pais Aruba den futuro.
![](https://solodipueblo.com/wp-content/uploads/2024/07/VWO-Graduation-11-1024x683.jpg)
“Mi ta felicita tur e graduadonan, cu e logro grandi aki, y desea nan hopi exito pa futuro. Tambe, un danki na e mayornan pa nan sosten durante e añanan di estudio di nan yiu, y e docentenan di Colegio Arubano cu mester ta hopi orguyoso, cu un biaha mas, danki na nan trabou incansabel, awe tin un grupo grandi di studiante cu por ricibi nan diploma. Masha pabien y hopi exito”, Prome Minister a expresa.
![](https://solodipueblo.com/wp-content/uploads/2024/07/VWO-Graduation-10-683x1024.jpg)
![](https://solodipueblo.com/wp-content/uploads/2024/07/VWO-Graduation-9-683x1024.jpg)
![](https://solodipueblo.com/wp-content/uploads/2024/07/VWO-Graduation-8-683x1024.jpg)
![](https://solodipueblo.com/wp-content/uploads/2024/07/VWO-Graduation-7-1024x683.jpg)
![](https://solodipueblo.com/wp-content/uploads/2024/07/VWO-Graduation-5-683x1024.jpg)
![](https://solodipueblo.com/wp-content/uploads/2024/07/VWO-Graduation-4-1024x683.jpg)
![](https://solodipueblo.com/wp-content/uploads/2024/07/VWO-Graduation-2-683x1024.jpg)