Dialuna merdia, Prome Minsiter di Aruba, Sra. Evelyn Wever Croes hunto cu Minister di finansas Sra. Xiomara Maduro a baha pisa riba sindicatonan, cualnan den ultimo dianan ta treciendo yen di informacion falso dilanti, sin base, y te hasta por bisa chupa di nan duim.
Den fin di siman, sindicatonan a emiti un carta, unda nan ta trece solamente desconfiansa y critica. Nan no ta kere den nada cu Gobierno trece dilanti.
Es mas nan a duna e susedido over e reunion na Hulanda, nan propio interpretacion, sin sa mucho informacion y tur esaki pretende cu Gobierno ta hasiendo algo robes.
E dos ministernan a para dilanti camera y nan a corigi tur e mentiranan treci pa sindicato. Cada un di e ponencianan incorecto, a keda adresa, unda por conclui cu e sindicatonan no ta honesto cu pueblo ni cu nan miembronan.
Tur nan ponencionan ta erroneo y sin base.
Finalmente Prome Minister y Minister di finansas a pidi e sindicatonan pa yega na mesa di dialogo y bin reuni, bin debati, bin haya informacion pa despues nan por saca un conclucion.
