Weganan di Copa Mundial Qatar 2022 a continua diamars mainta ora cu un di e seleccion nan favorito pa hopi hende, Argentina a enfrenta Saudí Arabia.
Argentina ta 2 biaha campeon mundial, na aña 1978 y tambe na 1986.
E wega aki a inicia caminda na di 10 minuut di wega despues cu VAR ta constata cu tabata tin infraccion den area penal y asina Argentina ta haya un tiro penal, Lionel Messi ta anota asina prome gol pa Argentina.
Na di 28 minuut Lautaro Martinez ta anota di dos gol pa Argentina, pero aki un biaha mas VAR ta interveni pa motibo cu e braza di Martinez tbt den posicion adelanta y asina e gol ta wordo anula.
Asina prome mitar ta bay den descanso 1-0 na fabor di Argentina.
Den di doa mitar cos a bolter por completo, Saudi Arabia a sali ta ataca y ta empata e wega na di 49 minuut cu gol di Al-Sherhi.
E gol aki a cay manera baño di awa friew pa e argentinonan cu no a reacciona despues di e gol aki.
Cos a bira peor ora cu na di 53 minuut Al Dawsari ta score un bunita gol pa Saudi Arabia bay ariba cu score di 2-1.
Argentina no por a haya su estilo di wega acostumbra.
Asina tambe wega a termina cu score di 2-1 na fabor di Saudi Arabia.
Esaki ta e di dos derota di Argentina den su historia cuminsando campeonato mundial, e prome tabata na 1990 contra di Cameroon.
Hungadornan di Saudi Arabia a celebra e victoria aki cu nan fanatico nan den stadion.
