Gobierno su proposicion concreto ta:
- Sindicatonan ta apunta 3 persona, preferible cu background financiero,
pa forma un comision hunto cu representantenan di Gobierno di Aruba; - E miembronan di comision lo haya aceso na tur informacion financiero
disponible, pa asina sindicatonan tin tur e informacion cu awor ta referi
cu no tin; - E comision ta negocia cu e fin di prepara un proposicion conhunto di
Gobierno y sindicato con lo elimina e recorte di salario di empleadonan di
sector publico y di sector semi publico; - Cu e proposicion aki den man, e punto di salida conhunto, lo bai negocia
cu Hulanda pa yega na palabracionnan concreto pa cu eliminacion di e
recorte di salario.
Gobierno di Aruba ta habri pa delibera riba e proposicion aki, y cambi’e si
sindicatonan ta haya necesario.
Mientras cu Gobierno di Aruba tin comprension pa e accionnan di sindicatonan,
Gobierno di Aruba ta urgi 11 sindicatonan y 2 organisacion pa para e accionnan,
pasobra nan por stroba e recuperacion cu nos pais ta aden. Mas liher Aruba
recupera, mas liher nos por bolbe bek na normalidad, y mas liher nos por elimina e
recorte di salario. Aruba mester di nos tur awor.
