Sindicato por dicidi pa Gobierno di Aruba cu ken Gobierno di Aruba por dialoga, y cu ken no.
E carta di sindicatonan pa gobierno a pone un menasa riba mesa, unda algun sindicato kier lansa e menasa cu nan ta prohibi gobierno pa sinta na mesa cu otro sindicato. Gobierno a duna e siguiente contesta: Pa Gobierno di Aruba no ta cla di unda sindicatonan ta saca e conclusion aki, si mira cu varios biaha den ultimo siman Gobierno di Aruba a invita tur sindicato pa dialoga. Gobierno no a cuminsa negocia cu ningun sindicato ainda. Ta importante si
pa realisa cu si no tur sindicato ta mira e importancia di dialogo, pero otro sindicatonan si kier dialoga, ningun hende por prohibi Gobierno di Aruba di dialoga cu esnan cu si kier dialoga, pasobra no port a asina cu sindicato por dicidi
pa Gobierno di Aruba cu ken Gobierno di Aruba por dialoga, y cu ken no. E invitacion na tur sindicato pa dialoga, ta sigui riba mesa, y Gobierno di Aruba ta urgi 11 sindicatonan y 2 organisacion, pa reconsidera y acepta e proposicion di Gobierno. Tempo no ta na nos fabor, pesey Gobierno di Aruba ta spera cu
sindicatonan ta dispuesto pa bolbe na mesa. Mas liher nos yega na mesa di dialogo,
mas liher nos por yega na consensus, y mas liher por elimina e recorte di salario.
