Den un nota via red social, Krish Mahtani a pidi disculpa pa lo sucedido:
Como promotor di e concierto di ayera nochi na Aruba (Romeo Santos), y den nomber di henter mi team, mi kier extende mi sincero disculpa na tur esnan cu a asisti na e concierto di ayera. Ta pidi disculpa pa e molestianan y e desepcion cu e retraso por a causa.
Desafortunadamente, a pasa circunstancianan imprevisto cu tabata completamente fuera di nos control, cu a causa e retraso di e artista. Como promotor di e evento, mi ta asumi tur responsabilidat pa no comunica e situacion na tempran.
Mi ke exspresa mi gratitud na esnan ku a yuda resolve e situacion, incluyendo KPA, JET-TNCA y e ekipo di elite Productions/Empire, huntu cu tur e partnernan, sponsornan y personal di e evento.
Nos ta tuma e incidente aki na serio y nos ta comprometi pa preveni e casonan aki den futuro.
E multitud y e publico cu a apoya nos durante e situacion inespera aki, mi no por gradici nan suficiente pa nan pasenshi, comprension y apoyo continuo. Un agradecimento special na tur esnan cu a purba di yuda cu e situacion.
Den bida bo ta siña dor di cada experensia y bo ta trata di mehora despues di cada situacion, no importa con difísil e ta. Danki na tur esnan cu a comparti nan comentario iy palabranan positivo, mi ta spera di tin e oportunidad pa sirbi nan mihor den eventonan futuro.
