Minister di Enseñansa a bisa dialuna cu John Wesley College lo cera su porta pa e siguiente aña escolar. Esaki ta un decision di e stichting cu ta encarga cu e scol, cual ta uno priva, y no un decision di minister. Ta trata di “S.P.C.O.A.” Stichting Protestants-Christelijk Onderwijs Aruba, e mesun cu ta encarga cu Mon Plaisire School. Motibo cu nan a duna ta cu te na 2019 nan tabatin 225 alumno, pero pe proximo schooljaar nan tin solamente 64 alumno. Nan no por draai e scol cu asina tiki alumno. Remarkabel ta cu e scol a baha cu 150 alumno.
