Considera esaki como puro goso,mi rumannan, ora boso haña boso mes den diferente pruebanan , sabiendo cu e prueba di boso fe,ta produci perserverancia, Laga perserverancia tin su resultado perfecto, pa boso por ta perfecto, y completo sin falta di nada.( Santiago 1:2-4)
Pasobra bo a pone nos na prueba O Dios, bo a refina nos manera plata ta wordo refina. ( Salmo 66:10),
Rumanan no sea sorprendi, pa motibo di e candela di prueba cu tin meymey boso, cu ta bin riba boso pa boso wordo proba.como sifuera algo straño ta pasa cu boso. Ma segun e midi cu boso ta comparti e sufrimento di Cristo, sigi regosiha cu gran alegria.( 1 Pedro 4;12-13).
Pruebanan den nos bida cu Señor ta permiti ta pa nos crecemento. E bida den Cristo no ta un bida di flohera y cobardia, pero ta un bida di Fe pa crecemento den Cristo Hesus.
Nos mester wordo proba pa nos calidad wordo revela, y asina wordo demostra cu nos ta Su disipelnan.
Dios ta proba nos, pasobra e ta stima nos, e kier mira nos fieldad na dj’E, e no kier pa nos ta hende zwak sin weso di lomba cu ta corre di aki pa aya.
Tin hopi hende no por confronta cu e berdad, asina cu nan mester enfrenta e berdad cu ta para scirbi den Dios su palabra, y cu tur hende mester obedece nan ta sali na careda, pasobra e Palabra ta duro.
Dios a priminti cu den tur locual nos por pasa, Dios lo pasa hunto cu nos, y Dios nunca lo bandona nos.
Cada biaha cu nos kier mas crecemento den nos bida, oposicion lo lanta, pasobra e enemigo no ta bay para keto, y e lo manda su compinchinan pa purba stroba cos.
Job tabatin tur cos di Dios, Dios mes a bendiciona Job y a traha un cura di proteccion rond di dje y su famia, pasobra e tabata fiel, obediente, y perfecto den bista di Dios.
Satanas a kere cu pasobra Dios a bendiciona Job cu rikesa, Job lo ta alaba Dios, pesey e a bisa Dios, pa kita su man for di riba Job y asina e por ataka y Job lo a maldiciona Dios, pero esey no a sosode.
Despues e a purba di usa Job su propio esposa contra Job y asina purba di logra su meta, pero Job a keda para firme, y nos tur sa na final Job a ricibi dobbel di locual e tabatin prome ( Job 42:10).
Hopi hende hende ora nan ta pasa den prueba, nan ta corre bay for di Dios, enbes di corre bini serca Dios, nan ta cuminsa papia cu nan ta pasa den un desierto y cuminsa murmura, contra Dios enbes di cuminsa alaba, pasobra ora bo ta pasa den un prueba, bo alabansa na Dios ta hopi importante pa bo stabilidad spritual.
Den tur area di nos bida nos ta wordo prueba, por ehempel den nos matrimonio, nos ta ricibi prueba pa promove nos fieldad un pa otro, pa demostra cu locual Dios uni no laga ningun hende separa.
Den nos salud nos ta wordo proba pa aumenta nso fe den Dios, sabiendo cu E ta capas pa sana nos.
Hasta den nos labor di tur dia nos ta wordo proba, pa nos por compronde cu Dios ta cu nos den tur momento.
Den nos finansas nos ta wordo proba, pa nos por ta fiel na Dios, y compronde cu Dios ta doño di tur ora y plata y tin poder riba tur cos.
Sinceramente, Pastor Marcel Balootje
