Prueba palpabel a ser presenta den parlamento di Aruba dialuna atardi cu ta contradici declaracionnan cu secretario di Estado Alexandra Van Huffelen a haci den un noticia local.
Contrario na loke Van Huffelen a bisa, awor ta sali na cla cu no tabata Aruba a añadi tres condicion di ultimo ora, sino ta Departamento di BZK cu ta resorta directamente bao di Van Huffelen.
E hechonan aki ta mustra un falta di control of, mas ainda, posiblemente mal informacion intencional diparti Van Huffelen. E situacion a dal un buelta, lagando den duda e integridad di e declaracionnan cu e secretaria di Estado a haci.
Nos ta spera cu e medionan local, cu ta tene entrevistanan diario cu Van Huffelen por tin e curashi di confronta Van Huffelen cu e falsedadnan aki (atrobe!). E comunidad ta merece transparensia y honestidad den asuntunan asina critico manera e ley di LAFT.
E carta cu ta sirbi como prueba palpabel a wordo poni ter inzage di parlamento, mientras Promer Minister a elabora riba dje extensamente den parlamento.
Promer minister a menciona tur 3 condicion y con nan a atende cu cada punto. 1) Con Minister di finansas ta tuma e consehonan di CAFT na consideracion. 2) Acuerdo cu CAFT riba personeelslasten norm
3) PPP projecten;
Algun siman pasa Van Huffelen a haci mescos, duna declaracionnan cu despues ta resulta den falsedad. Esaki ta di cuater mentira den menos cu tres luna cu ta keda aclara.
