Diferente dignitarionan Hulandes den e ultimo siman nan a bishita Gabinete di Aruba pa firma e registro di condolencia pa ex-Prome Minister di Aruba Henny Eman. Tambe por a nota cu algun personanan pa razonnan personal a bin pa firma y rindi honor na e ex-Prome Minister di Aruba.
Entre nan tabata tin Alwin Toppenberg, Rosita Croes-Madari, vuida di Mito Croes dfm y Gisele Delfos-Jacobs ex-trahador di ATA Europa.
Mientrastanto e registro di condolencia na Gabinete di Aruba a keda cera y lo wordo manda pa sra. Iris Eman-Arends, vuida di sr. Henny Eman.
