Proyecto fracasa, 17 miyon dera bao tera y perdi… Unda Frank ta ??
Na Aruba, parce cos a bira manera ”buchi parobes”. Tur hende drechi ta wordo pinta pa bagaso, y tur bagaso ta kier pretende di ta hende drechi. Esaki ta loke nos ta conclui ora cu nos scucha opinionnan mediocre y sin base.
E analisas ta bisa: Awor bo kier cuestiona Eagle LNG, yamando e pa un compania corupto. Esey ta palabranan di Patrick Paskel, vocer di Mike Eman.
Pero, ki dia Patrick Paskel of su aliadonan a bin splica pueblo di e projecto di Eduardo, cu a fracasa?
Unda e contract ta? Cuanto miyon a wordo perdi? Nos a bin haya sa cu e pipa di gas cu a wordo dera bao tera a costa 17 miyon florin.
Pues, si tabatin un projecto malo, absurdo, fracaso total, ta esun di Eduardo cu Ecogas, e segundo tata di Patrick Paskel cu ta sponser e.
Di unda ta saca e gritonan awor, contra hende drechi? Cu kier realisa un projecto na fabor di pueblo?
Hende bagaso kier pasa pa drechi, mientras esnan drechi ta wordo pinta di bagaso?
Te politica aki di dividi? Manipula? Pues, nos ta duna tur rason pa loke ta e contract di Eagle LNG, cu mester ta un contract ventahoso pa pueblo, no manera Citgo cu RDA, unda Patrick a estafa miles y miles, den projecto di Algen, cu nunca a produci ni 1 kw di coriente.
Esey ta un projecto corupto y esnan cu a horta mester bay paga nan debe cu husticia.
E bagasonan di AVP por keda grita grita y grita te dia cu landsrecherche piki nan bay cu nan.
