Raad van Advies a cuestiona seriamente e intencion di Mike cu Gerlien pa baha prijs di gasolin cu 10 cent. Nan tin duda si e beneficio financiero cu companianan lo haya, manera compania di transporte, via un reduccion di accijns, lo traduci den reduccion di gasto pa e compania aki y lo realmente lo traduci den prijs mas abao pa consumidor. Raad van Advies ta puntra si e medida aki lo tin impacto riba inflacion.
Ademas, no ta cla si a calcula cu e reduccion di accijns por resulta den menos entrada pa gobierno via BBO.
Otro punto di precupacion ta cu den e “memorie van toelichting”, pues e nota informativo di e amienda, ta menciona cu e meta ta pa logra un nivel di inflacion “acceptabel”, pero sin indica kico ta considera como un nivel acceptabel. Pues, por conclui cu e amienda ta un sorto di “hisa benta”, ad-hoc, sin ningun estudio.
Raad van Advies ta recomenda pa por trece aclariacion den punto aki, pa splica mas con ta bay atende cu e puntonan cu tin duda.
